Татарча [tat] Башҡортса [bak] English [eng] Қазақша [kaz] Google Translate
Сайт тест режимында эшли.
Selimcan.org турында
Бу сайтның максаты—Сезгә белем алырга ярдәм итү. Хыялыбыз— безнең уку-укыту программасын тәмамлап, дөньяның иң алдынгы университетларында укый алырлык белем-һөнәрләргә ия булуыгызны күрү.
Сәлам! Selimcan.org проектының максаты—
- укырга-язарга өйрәтүче курстан;
- арифметикадан башлап калькулюска (математик анализга) кадәр математикага өйрәтүче курстан;
- безнең уйлавыбызча, урта мәктәпне тәмамлаган һәр кеше укып чыккан булырга тиешле китаплар исемлегеннән һәм ул китапларның оригиналь текстларыннан һәм тәрҗемәләреннән; ул китапларга кагылышлы сораулар һәм биремнәрдән;
- аңлатмалы сүзлектән;
- энциклопедиядән һәм
- программалау нигезләренә өйрәтүче китаптан
торучы, бушлай, мөмкин булса ирекле лицензияле материаллардан тәшкил ителгән, башлыча мөстәкыйль шөгыльләнүче кешеләргә тәгаенләнгән онлайн уку-укыту программасын булдыру.
Түбәндәгеләрне эшләү күздә тотыла:
- Siegfried Engelmann’ның “Teach Your Child to Read in 100 Easy Lessons” (татарчасы: “100 җиңел дәрестә балагызны укырга өйрәтегез”) китабына охшаган, укырга-язарга өйрәтүче дәрес планнарын язу;
- Хан академиясенең математикага кагылышлы өлешен тәрҗемә итү;
- безнең уйлавыбызча, урта мәктәпне тәмамлаган һәр кеше укып чыккан булырга тиешле китаплар исемлеген төзү һәм бу китапларга кагылышлы сораулар һәм биремнәр хәстәрләү; әлеге китаплар чит телдә булсалар, аларны тәрҗемә итү;
- wiktionary.org‘та аңлатмалы сүзлекләр булдыру
- Инглиз Википедиясенең сайланган мәкаләләрен тәрҗемә итү;
- htdp.org сайтындагы, компьютер программаларын инша итү тәртибенә өйрәтүче китапны, тәрҗемә итәргә рөхсәт алып булса, тәрҗемә итү; Андроид смартфоннары өчен программалар иҗат итәргә өйрәтүче appinventor.org курсын тәрҗемә итү;
- Debian GNU/Linux операцион системасын тулысынча тәрҗемә итү.
Тәкъдимнәрегез булса я ярдәм итәсегез килсә, ‘contact эт selimcan нокта org’ адресына языгыз.
Безне бу проектны башлауга илһамландырган видеоларның берсе:Инглизчә дә, татарча да яхшы белүчеләр—вакытыгыз булса зинһар субтитрларын татар теленә тәрҗемә итәргә ярдәм итегез